اسلام آباد (مانیٹرنگ ڈیسک) آزاد کشمیر الیکشن میں تحریک انصاف کی 28 میں سے تین سیٹیں ہیں، اس بات کا دعویٰ معروف صحافی ہارون رشید نے کیا، انہوں نے کہا کہ جولائی میں آزاد کشمیر میں الیکشن ہونے والے ہیں، سینئر صحافی نے خبر دیتے ہوئے کہا کہ آزاد کشمیر الیکشن میں پی ٹی آئی کی 28 میں سے 3 سیٹیں ہیں، ابھی تک
سیٹ ایڈجسٹمنٹ یا اتحاد نہیں بنایا۔ انہوں نے کہا کہ ن لیگ کے لوگ توڑے جائیں گے، لوگ ٹوٹنے سے ممکن ہے صورتحال بدل جائے۔دوسری جانب تحریک انصاف کے رہنما نے کہا کہ نظریاتی کارکنان کی رائے سے بااصول اور باکردار لوگوں کو الیکشن میں ٹکٹ دئیے جائیں گے۔ تحریک انصاف آزاد کشمیر کے ڈپٹی جنرل سیکرٹری سردار قاضی محمد اسرائیل نے کہا ہے کہ سردار الیاس تنویر کو آزادکشمیر میں تحریک انصاف کو مضبوط کرنے کے لئے وزیر اعظم پاکستان کی طرف سے زمہ داریاں سونپی گئی ہیں۔ بیرسٹر سلطان محمود چوہدری جماعت کے صدر ہیں سیاسی مخالفین تحریک انصاف کو نقصان پہنچانے کے لئے افوا ئیں پھیلا رہے ہیں۔ پی ٹی آئی میں شمولیت کے لئے کئی سیاسی رہنماہ رابطے میں ہیں لیکن وزیر اعظم پاکستان عمران خان کی ہدایت کے مطابق بااصول اور باکردار لوگوں کو تحریک انصاف میں شامل کیا جائے گا۔ ماضی کے تجربات کو سامنے رکھتے ہوئے کارکنان کی مشاورت سے صادق اور امین باکردار رہنماؤں کو الیکشن لڑنے کے لئے پی ٹی آئی کے ٹکٹ ملیں گے۔ کارکنان تحریک انصاف کی مضبوطی کے لئے گھر گھر جا کر پی ٹی آئی کے منشور کو عوام کے سامنے پیش کریں۔ سیاسی مخالفین افوائیں پھیلا کر اپنے سیاسی مفادات حاصل کرنے کے چکروں میں ہیں کرپٹ اور احتساب کے لئے
مطلوب عناصر کی تحریک انصاف میں کوئی گنجائش نہیں ہے۔ بھمبر سے تاؤبٹ تک تحریک انصاف کلین سویپ کرے گی آزادکشمیر کی تاریخ میں پہلی مرتبہ دوتہائی اکثریت سے قانون ساز اسمبلی میں حکومت بنائیں گے۔الیکشن کے تمام فیصلے مرکزی قیادت کرے گی پارٹی ڈسپلن کی پابندی کی جائے گی۔
