لاہور(آ ن لائن)وزیر اعلیٰ پنجاب سردار عثمان بزدار کی جانب سے سوشل میڈیا پر وائرل ہونے والی طالبہ کی تصویر پر فوری ردعمل ظاہر کرتے ہوئے متعلقہ طالبہ کو دو لاکھ روپے کا امدادی چیک جاری کر نے کے احکامات جاری کر دئیے۔طالبہ نے وزیر اعلیٰ پنجاب سردار عثمان بزدار کا
مالی امداد کرنے پر شکریہ ادا کرتے ہوئے وزیر اعلیٰ پنجاب کو تعلیم دوست انسان قرار دیا۔وزیر اعلیٰ پنجاب سردار عثمان بزدار کی ہدایت پر مشیر وزیر اعلیٰ پنجاب برائے سیاحت و پی ایچ ایز آصف محمود نے وزیر اعلیٰ پنجاب سردار عثمان بزدار کی طرف سے دو لاکھ روپے مالیت کا چیک متعلقہ طالبہ کے حوالے کیا۔ اس موقع پر ڈپٹی کمشنر راولپنڈی کیپٹن (ر) انوار الحق بھی موجود تھے۔ اس موقع پر طالبہ نے کہا کہ وہ وزیر اعلیٰ پنجاب سردار عثمان بزدار کی مالی معاونت پر شکر گزار ہیں اور اب وہ اپنی تعلیم آسانی سے جاری رکھ سکتی ہیں۔ انہوں نے کہا کہ وزیر اعلیٰ پنجاب ایک تعلیم دوست انسان ہیں اور وہ شکر گزار ہیں کہ انکی سوشل میڈیا پوسٹ پر وزیراعلی نے نوٹس لیتے ہوئے ان کی مدد کی
