اسلام آباد(آن لائن ) وزیر داخلہ شیخ رشید احمدنے کہا ہے کہ مولانا فضل الرحمان کیلئے صف ماتم بچھی ہوئی ہے ، پیپلز پارٹی کے فیصلے کے بعد ن لیگ کو بھی الیکشن میں جانا ہو گا ، پی ڈی ایم کے استعفوں کا معاملہ کھٹائی میں پڑ گیا ہے ۔ پی ڈی ایم اور دیگر
سیاسی معاملات پر میڈیا سے غیر رسمی گفتگو کرتے ہوئے شیخ رشید احمد کا کہناتھاکہ شہبازشریف کے معاملہ کا مجھے نہیں پتہ، یہ ن لیگ کا مسئلہ ہے ۔زرداری مفاد اور ذات کیلئے پتے کھیلتا ہے ۔عمران خان نے بہتر کھیلا ہے ۔نئے سال میں عمران خان کا ڈنکا بجے گا۔ عمران خان چھائے گا۔ پی ڈی ایم روز بروز تنزلی کا شکار ہے ، پی ڈی ایم والے گھر جائیں گے اب۔ شیخ رشید احمد کا کہناتھاکہ فوج کیخلاف باتیں کرنے والوں کیخلاف قانون کے مطابق کارروائی ہو گی ۔ فوج کیخلاف بدزبانی کرنے والوں کیخلاف سخت ایکشن لیا جائے گا ۔مفتی کفایت کیخلاف مقدمہ کا فیصلہ ہواہے ۔مفتی کفایت کیخلاف مقدمہ لاہور میں ہوگا ، اچھی تیاری کیساتھ۔
