لاہور( این این آئی)لاہور کے علاقے ڈیفنس میں چوری کی ایک انوکھی واردات سامنے آ گئی جہاں سے نامعلوم چور گھر سے ایک لاکھ43ہزار روپے مالیت کے جوتے چوری کرکے فرار ہو گیا۔پولیس نے نامعلوم ملزم کے خلاف مقدمہ درج کر کے تحقیقات شروع کر دی ہیں۔
ایف آئی آر میں درج تفصیلات کے مطابق چور نے 68 ہزار روپے مالیت کے مردانہ جوتوں کے دو جوڑے چرائے،اس کے علاوہ 50 ہزار روپے مالیت کا ایک لیڈیز جوتا بھی چوری کیا گیا۔ایف آئی آر کے مطابق ملزم بچوں کے 20 ہزار روپے مالیت کے جوتے اور ملازمین کے 5 ہزار روپے مالیت کے سلیپر بھی ساتھ لے گیا۔ پولیس کے مطابق ملزم کی تلاش جاری ہے اور واقعے کی مختلف پہلوئوں سے تفتیش کی جا رہی ہے۔
