سجاول(این این آئی)سجاول میں خاتون کو حبس بے جا میں رکھ کر6سال تک ریپ کا نشانہ بنانے کے الزام میں بینک منیجر کے خلاف مقدمہ درج کر لیا گیا۔خاتون کی جانب سے مقدمہ سجاول پولیس اسٹیشن میں درج کروایا گیاجس میں تین دفعات زنا376،گھر میں داخل ہوکر

دھمکیاں دینا506اور خاتون سے چھیڑ چھاڑ509شامل کی گئیں۔ایف آئی آر میں خاتون نے دعویٰ کیاکہ بینک منیجرظہیر شورو رات کو میرے گھر آیا اور کہا کہ میری گاڑی میں کلاشنکوف ہے میں تمہارا قتل کر دوں گا۔خاتون نے مقدمے میں اعتراف کیاکہ ظہیر شورو سے میرے 6،7سال سے ناجائز تعلقات تھے اور اسی دوران ایک بیٹی ہوئی۔ اب ان دونوں کا ڈی این اے کروایا جائے تاکہ یہ بات ثابت ہوسکے۔خاتون نے یہ بھی دعوی کیاکہ ملزم نازیبا حرکات کی ویڈیو بنا کر اسے بلیک میل کرتا تھا جبکہ اس پر تشدد کرتا اور خاموش رہنے کی دھمکیاں دیتا رہا۔ متاثرہ خاتون نے بچی اور ملزم کا ڈی این اے کروانے کا مطالبہ بھی کیا ہے۔خاتون نے بتایاکہ بینک منیجر کے ساتھ سود کا کاروبار کرتی تھی جبکہ سود کے کاروبار کی رقم بھی ظہیرشورو بینک منیجر کی تھی اور میں صرف مہرہ تھی۔سجاول پولیس کا کہنا ہے کہ ملزم روپوش ہوگیا ہے اور اس کی تلاش جاری ہے۔ ملزم ظہیر شورو جو مکلی ٹھٹھہ میں نجی بینک برانچ کا منیجر ہے جمعرات کووہاں ڈیوٹی پر بھی نہیں آیا۔