اسلام آباد (این این آئی)وفاقی وزیر منصوبہ بندی اسد عمر ایک بار پھر اپوزیشن پر تنقید کرتے ہوئے کہاہے کہ پہلے وزیر اعظم سے ناراض این آر او کیوں نہیں دیتے ، پھر فوج سے ناراض کہ سیاست میں مداخلت کر کے این آر او کیوں نہیں د لواتے ،اب میڈیا سے ناراض کہ ان کی سیاسی ناکامی پر پردہ کیوں نہیں ڈال رہے ہیں ۔ ٹوئٹر پر اپنے بیان میں اسد عمر نے کہاکہ پہلے

وزیر اعظم عمران خان سے ناراض کہ این آر او کیوں نہیں دیتے، پھر فوج سے ناراض کہ سیاست میں مداخلت کر کے این آر او کیوں نہیں دلواتے اور اب میڈیا سے ناراض کہ ان کی سیاسی ناکامی پر پردہ کیوں نہیں ڈال رہے ۔ انہوںنے ایک ویڈیو شیئر کرتے ہوئے کہاکہ سنئے کل الجزیرہ کے بارے میں کیا دعویٰ کیا اور حقیقت میں الجزیرہ نے جلسے کے بارے میں کیا کہا؟