لاہور،اسلام آباد(مانیٹرنگ ڈیسک ، آن لائن)پنجاب یونیورسٹی نے ایسوسی ایٹ ڈگری آرٹس اینڈ سائنس پارٹ ون اور ٹو،بی اے بی ایس پارٹ ون اور پارٹ ٹو،ایم اے ایم ایس کے امتحانات ملتوی کردیئے۔نجی ٹی وی کے مطابق پنجاب یونیورسٹی نے کرونا وبا کے تناظر میں حکومتی

فیصلے پر عملدرآمد کرتے ہوئے تمام امتحانات ملتوی کردیئے۔ایسوسی ایٹ ڈگری آرٹس اینڈ سائنس پارٹ ون اور ٹو کے امتحانات ملتوی کردیئے گئے۔بی اے بی ایس پارٹ ون اور پارٹ ٹو کے امتحانات بھی ملتوی کردیئے گئے۔ایم اے ایم ایس کے امتحانات جو 26 نومبر سے شروع ہونے جارہے تھے ملتوی کردیے گئے ۔ امتحانات کو تاحکم ثانی ملتوی کردیا گیا ہے۔دریں اثنا علامہ اقبال اوپن یونیورسٹی نے بھی بی اے/ اے ڈی ای/اے ڈی سی/پی جی ڈی/بی ایس/بی ایڈ/ایم اے اور ایم ایس سی پروگرامز کے ملک بھرمیں جاری امتحانات 26۔نومبر سے تا حکم ثانی معطل کردئیے ہیں یہ فیصلہ حکومت کی جانب سے پورے ملک میں26۔نومبر سے 10۔جنوری تک تعلیمی ادارے بند اور امتحانات ملتوی ہونے کے اعلان کے بعد یونیورسٹی کے مین کیمپس میں وائس چانسلر پروفیسر ڈاکٹر ضیا القیوم کی زیر صدارت منعقدہ اعلی سطحی اجلاس میں کیا گیا فیصلے کے بعد شعبہ امتحانات نے باقاعدہ نوٹیفکیشن بھی جاری کردیا ہے۔ کنٹرولر امتحانات کے

مطابق24 اور 25۔نومبر کو پرچے شیڈول کے مطابق ہونگے اور مشرق و سطی کے ممالک میں مقیم طلبہ کے آن لائن امتحانات شیڈول کے مطابق جاری رہیں گے ۔ملتوی ہونے والے امتحانات کے نئے شیڈول کا اعلان تعلیمی ادارے کھلنے کے بعد کیا جائے گا۔ طلبہ کو نظرثانی شدہ رول نمبر سلپس بذریعہ ڈاک بھی ارسال کی جائیں گی اور ہر طالب علم کو یونیورسٹی ریکارڈ میں موجود ان کے موبائیل نمبر پر ایس ایم ایس پر اطلاع بھی دی جائے گی۔