اسلام آ باد(آن لائن) وزیر اعظم کے معاون خصوصی ڈاکٹر شہبازگل نے مریم نواز کے ٹوئٹ پر ردعمل دیتے ہوئے کہا کہ اللہ مرحومہ کو جنت میں جگہ دے اور آپکو ہدائیت دے،دادی جان کی میت گھر پڑی ہے اور آپ جھوٹ بولنا شروع ہو گئی ہیں۔4 گھنٹے سٹیج سے آپکے اپنے فیس بک اکاؤنٹ سے جلسہ براہ راست برا ڈکاسٹ ہوا انٹرنیٹ کے زریعے آپ فرما رہی ہیں آپکے پاس سروس نہیں،کیا کبھی کوئی موقع ہو گا جب آپ جھوٹ نہ بولیں؟۔دوسری جانب پاکستان تحریک انصاف کے رہنماء سینیٹر فیصل جاوید نے مسلم لیگ ن کی نائب صدر مریم
نواز کو جوب دیتے ہوئے کہا ہے کہ مائیں سب کی سانجھی ہوتی ہیں، اس موقع پر، اس چیز پر،کسی کی وفات پر سیاست ہرگز نہیں کرنی چاہئے۔اپنے ٹوئٹ میں فیصل جاوید نے کہا کہ پوری حکومت نے بشمول وزیراعظم کے اظہار افسوس اور دعائیہ پیغامات فوراً پہنچائے۔ اللہ صبر جمیل عطا فرمائے - خدارا آپ اس چیز پر سیاست نہ کریں۔ قبل ازیں مریم نوازنے اپنے ٹوئٹ میں لکھا تھاکہ کسی حکومتی شخص میں اتنی انسانیت نہیں تھی کہ مجھ تک دادی کی وفات کی اطلاع پہنچا دیتے۔ میں نے میاں صاحب کو درخواست کی ہے کہ بالکل واپس نا آئیں۔ یہ ظالم اور انتقام میں اندھے لوگ ہیں جن سے کسی بھی قسم کی انسانیت کی توقع نہیں۔
