اسلام آباد (مانیٹرنگ ڈیسک )نواز شریف کی گزشتہ جلسوں میں تقاریر کے بعد پاکستان کی سیاسی صورتحال میں بڑی تبدیلی سامنے آئی ہے، سابق وزیراعظم کا بیانیہ انتہائی سخت جبکہ ان کی بیٹی مریم نواز بھی ان کیساتھ ڈٹ کر کھڑی ہیں ۔ سینئر تجزیہ کار عارف حمید بھٹی نے نجی ٹی وی پروگرام میں گفتگو کرتے ہوئے کہا ہے کہ اپوزیشن ہمارے اداروں کے خلاف منجن بیچ رہی ہے لیکن وہ ان کے

مقاصد کے تحت اچھی طرح سے بک نہیں پارہا ۔ ان کا کہنا تھا کہ عمران خان بھی کچھ ناراض نظر آتے ہیں ، کیونکہ انہوں نے اپنے ایک انٹرویو کے دوران یہ کہا تھا کہ آرمی چیف جنرل قمر جاوید باجوہ کو اپوزیشن پارٹی رہنمائوں سے ملاقات نہیں کرنی چاہیے تھی ، یہ بھی سننے میں آیا کہ کہ نجی محفلوں کے میں بھی وزیراعظم عمران خان ناراضگی کا اظہار کر رہے ہیں ۔

موضوعات:آرمی چیف عارف حمید بھٹی عمران خان