اسلام آباد(مانیٹرنگ ڈیسک) سندھ میں غذائی قلت اور پیدائشی طور پر چھوٹے قد کی بیماری کے ساتھ پیدا ہونے والے بچوں کی غریب و مسکین ماں کی صحت اور خوراک کیلئے ورلڈ بینک نے سندھ حکومت کو1.5 ارب روپے کے فنڈز مہیا کیےجن سے سندھ کی خواتین کو مچھلیاں کھلائے جانے کا منصوبہ تشکیل پانا تھا، منصوبے کے مطابق سندھ حکومت نے 22 اضلاع میں مچھلیوں کی افزائش کیلئے 1208فارمز یا تالاب بنانے تھے جن سے علاقے کی خواتین کو مچھلیاں مہیا ہونی تھیں۔نجی ٹی وی سماء نیوز کی رپورٹ کے مطابق سندھ حکومت نے فنڈز ملنے کے 4 ماہ
کے عرصے میں ڈیڑھ ارب روپے خرچ کردیئے ہیں مگر اب تک چند اضلاع میں برائے نام اس منصوبے پر کام ہوا ہے ، محکموں کے افسران نے یہ ڈیڑھ ارب روپے ہڑپ کرلیے ہیں، کوئی بتانے کیلئے تیار نہیں ہے کہ پیسے کہاں خرچ ہوئے اور اب تک کتنی خواتین اس منصوبے سے مستفید ہوئی ہیں۔جب اس پروجیکٹ کے ڈائریکٹر تالپور صاحب سے متعدد بار رابطہ کرنے اور منصوبے سے متعلق معلومات لینے کی کوشش کی گئی مگر کسی قسم کا جواب موصول نہیں ہوا۔
