اسلام آباد (مانیٹرنگ ڈیسک)وفاقی حکومت کی جانب سے کرونا کی وجہ سے ہونے والے تعلیمی نقصان کے ازالے کے لیے ہفتے کی چھٹی ختم اعلان کے بعد سندھ حکومت نے تعلیمی اداروں کی ہفتے کے روز کی چھٹی ختم کر دی، صوبہ سندھ میں اب تعلیمی ادارے چھ دن کھولیں جائیں گے ۔ سندھ حکومت نے چھ ماہ تعلیمی ادارے بند رہنے کی صورت میں ہفتہ وار تعطیل ختم کر دی ہے

جبکہ 15ستمبر سےتعلیمی ادارے کھولنے کیلئے ایس او پیز بھی جاری کر دیئے ہیں۔ قبل ازیں وفاقی وزارت تعلیم کی جانب سے جاری بیان کے مطابق وفاقی سرکاری تعلیمی اداروں میں ہفتہ کی چھٹی ختم کرنے کا فیصلہ کیا گیا اور رواں سال تعلیمی اداروں میں موسم سرما کی تعطیلات بھی نہیں ہوں گی۔وزارت تعلیم نے وفاقی نظامت تعلیمات کو اس حوالے سے مراسلہ جاری کردیا ہے جس میں کہا گیا ہے کہ وفاقی سرکاری تعلیمی اداروں میں ہفتے کو اسپیشل کلاسز کا انعقاد کیا جائے۔وزارت تعلیم کے مراسلے میں کہا گیا ہے کہ یہ فیصلہ ‏کورونا کے دوران ہونیوالے تعلیمی نقصان کے ازالے کیلئے کیا گیا ہے۔خیال رہے کہ ملک بھر کے تعلیمی ادارے کھولنے کے حوالے سے حتمی فیصلہ 7 ستمبرکو ہوگا۔دوسری جانب سیکریٹری تعلیم سندھ نے اسکول وکالج کے لیے کورس پڑھانے کا طریقہ کار تیار کرلیاہے،نئے طریقہ کار کے تحت اب اسکول وکالج میں کورس کی پڑھائی مکمل کرائی جائے گی۔ 11ویں اور 12ویں جماعت میں طلبا کو سائنس، ریاضی اور انگلش کا 30فیصد کورس پڑھایا جائے گا۔تفصیلات کے مطابق رواں سال تعلیمی اداروں میں اہم مضامین کا کورس 30 سے 50 فیصد تک پڑھایا جائے گا۔سیکریٹری تعلیم سندھ نے اسکول و کالج کے لیے کورس پڑھانے کا طریقہ کار تیار کر لیا۔10 ماہ کا کورس 6 ماہ میں کیسے مکمل ہوگا؟ اس حوالے سے اب والدین اور طلباکو ٹینشن لینے کی ضرورت نہیں ہے،

سندھ کے محکمہ تعلیم نے ان کی مشکل حل کر دی ہے۔قائم مقام سیکریٹری تعلیم سندھ احمد بخش ناریجو نے اسکول و کالج میں کورس پڑھانے کا طریقہ کار تیار کر لیا۔سیکریٹری تعلیم سندھ احمد بخش ناریجو کے مطابق گیارہویں اور بارہویں جماعت میں طلبا کو سائنس، ریاضی اور انگلش کا 30 فیصد کورس جبکہ نویں، دسویں کے طلبا کو سائنس، ریاضی، سندھی اور انگلش کا 40 فیصد کورس پڑھایا جائے گا۔

چھٹی سے آٹھویں جماعت کے طلباکو سائنس، ریاضی، انگلش کا 50 فیصد کورس، پہلی سے پانچویں جماعت کے طلبا کو لٹریسی، ریاضی اور جنرل نالج کا 30 فیصد کورس پڑھایا جائے گا۔اسی ترتیب کے تحت طلبا و طالبات کے امتحانات بھی لیے جائیں گے جبکہ 2021 میں تعلیمی سیشن مئی سے شروع کیا جائے گا۔وزیرِ تعلیم سندھ سعید غنی سیکریٹری تعلیم سندھ احمد بخش ناریجو کی سفارش کو منظور کرنے کے بعد باقاعدہ طور پر سرکاری نوٹیفکیشن جاری کریں گے۔خیال رہے کہ حکومت 15 ستمبر سے ملک بھر میں تعلیمی ادارے کھولنے کا اعلان کرچکی ہے۔‎

موضوعات:سندھ حکومت ہفتہ کی چھٹی ختم