کورونا سے آئندہ نسلیں بچانے کیلئے اللہ تعالیٰ سے معافی مانگیں، چوہدری برادران کا عید پر عوام کیلئے خصوصی پیغام

31  جولائی  2020

لاہور( این این آئی )پاکستان مسلم لیگ کے صدر و سابق وزیراعظم چودھری شجاعت حسین، سپیکر پنجاب اسمبلی چودھری پرویزالٰہی اور رکن قومی اسمبلی مونس الٰہی نے عیدالاضحی پر اپنے پیغامات میں کہا ہے کہ کورونا سے نجات اور اپنی آئندہ نسلوں کو بھی اس سے محفوظ رکھنے کیلئے ہمیں اللہ تعالیٰ کے حضور گڑگڑا کر دعائیں مانگنی چاہئیں اور اپنے گناہوں، کوتاہیوں پر معافی کا طلبگار ہونا چاہئے۔

چودھری شجاعت حسین نے کہا کہ اللہ تعالیٰ قرآن پاک میں فرماتا ہے کہ میں کیوں تم پر عذاب نازل کروں گا اگر تم میری اطاعت اور میرے احکامات کی پابندی کرو گے لیکن لوگوں نے ایسا نہیں کیا، خود کو سپر پاور کہنے اور اپنے میزائلوں، مہلک ہتھیاروں پر انحصار کرنے والوں نے اسے اپنی چودھراہٹ کا معیار بنا رکھا تھا جو اب ختم اور ان کا تمام جنگی ساز و سامان بے کار ہو چکا ہے، اب ان کے اربوں کے یہ میزائل لوہے کے بھائو بھی نہیں بکیں گے، ان تمام حالات کے پیش نظر ہمیں چاہئے کہ اللہ تعالیٰ سے دعا کریں کہ وہ ہمیں معاف کر دے اور ہمارے گناہوں اور کوتاہیوں سے درگزر فرمائے۔ چودھری شجاعت حسین نے مزید کہا کہ اس موقع پر ہمیں تمام مظلوم مسلمانوں باالخصوص کشمیریوں کیلئے دعا کرنی چاہئے اور مقبوضہ کشمیر میں ہماری بچیوں پر جو ظلم و زیادتی بھارتی فوج کر رہی ہے انہیں اس سے نجات حاصل ہو۔ چودھری پرویزالٰہی نے کہا کہ آج ہم سب کو مل کر اللہ کریم سے دعا کرنی چاہئے کہ وہ کورونا کی وبا سے ہماری پوری قوم، بچوں اور آئندہ نسلوں کو اس سے محفوظ فرمائے، اسکا علاج اپنی جگہ لیکن سب سے بڑا علاج اللہ کریم سے معافی اور دعا ہے، آج ہمیں یہ یاد کرانے کی ضرورت ہے کہ پاکستان کتنی قربانیوں کے بعد حاصل کیا گیا اور آئندہ نسلوں کو معلوم ہونا چاہئے کہ یہ آزاد خطہ حاصل کرنے کیلئے کتنی جانوں کی قربانی دی گئی، اس آزادی کے تحفظ کیلئے افواج پاکستان کا کردار

نہیں بھولنا چاہئے کہ انہوں نے کس طرح دو جنگوں میں مادرِوطن کا دفاع کرتے ہوئے اپنی جانوں کا نذرانہ قوم کیلئے پیش کیا اور ہر محاذ پر آگے بڑھ کر دشمنوں کا مقابلہ کیا اور ان کا راستہ روکا، آج ہمیں آزادی کی قیمت کا پتہ ہونا چاہئے۔ چودھری پرویزالٰہی نے مزید کہا کہ مقبوضہ کشمیر میں نوجوانوں کا جو خون بہہ رہا ہے وہ رنگ لا کر رہے گا اور آزادی ان کا مقدر بنے گی اور انہیں بھارتی ظلم و ستم سے نجات ملے گی۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…