سکھ یاتریوں کو ویزا کے بغیر کرتارپور آنے کی اجازت، قومی اسمبلی میں اہم انکشاف

  جمعرات‬‮ 16 جولائی‬‮ 2020  |  17:27

اسلام آباد (این این آئی) قومی اسمبلی کو بتایاگیا ہے کہ سکھ یاتریوں کو ویزا کے بغیر کرتارپور آنے کی اجازت ہے،یاتریوں کے پاس امیگریشن کلیئرنس کے لیے انڈین پاسپورٹ ساتھ لانا ضروری ہے ،سکھ یاتری طلوع آفتاب سے غروب آفتاب تک کرتارپور واپس جا سکتے ہیں۔ وقفہ سوالات کے دور ان اپنے تحریری جواب میں وزارت داخلہ نے کہاکہ یاتریوں کے پاس امیگریشن کلیئرنس کے لیے انڈین پاسپورٹ ساتھ لانا ضروری ہے۔وزارت داخلہ کے مطابق پاکستان اور انڈیا کے درمیان مفاہمت کی یادداشت پر دستخط کیے گئے ہیں۔ وزارت داخلہ نے کہاکہ سکھ یاتری طلوع آفتاب سے غروب آفتاب


تک کرتارپور واپس جا سکتے ہیں۔ وزارت داخلہ کے مطابق انڈین حکام دس دن پہلے آنے والوں کا ڈیٹا شیئر کر دیتے ہیں،ڈیٹا خفیہ ایجنسیوں کو کلیرنس کے لیے بھجوایا جاتا ہے۔ وزارت داخلہ کے مطابق کلیرنس کے بعد یاتریوں کو کرتارپور راہداری میں آنے کی اجازت دی جاتی ہے۔


موضوعات: