مظفر گڑھ (مانیٹرنگ ڈیسک) جعلی پیر نے محمود کوٹ میں مبینہ طور پر 14 سالہ لڑکے کی جان لے لی۔ ایک نجی ٹی وی چینل کی رپورٹ کے مطابق پولیس کا کہنا ہے کہ بچے کے والد نے بتایا کہ بیمار ہونے پر 14 سالہ ساجد کو دم کرانے کے لیے پیر عبدالغفار کے پاس لے کر گئے اور وہاں پیر میرے بچے کو گردن سے پکڑ کردہکتےکوئلوں کے تھال کے اوپر لے جاکر دھواں دیتا رہا۔والد کا کہنا تھا کہ بچے کو جھلسے ہوئے منہ کے ساتھ میرے حوالے کیا گیا، اس موقع پر پیر نے کہا کہ بچے
پر جنات کا سایہ تھا،بچہ دو گھنٹوں بعد ٹھیک ہو جائے گا لیکن عمل کے اگلے روز میرا بچہ دم توڑ گیا۔پولیس نے والد کی مدعیت میں پیر عبدالغفار کے خلاف مقدمہ درج کر لیا ہے۔