لاہور( این این آئی)کاشانہ ویلفیئر ہوم کی سابقہ سپرنٹنڈنٹ افشاں لطیف کے سرکاری مکان میں آتشزدگی کے نتیجے میں تینوں کمرے جل کر خاکستر ہوگئے ۔ جبکہ افشاں لطیف نے الزام لگایا ہے کہ کاشانہ سکینڈل اور کائنات کیس کی پیروی کرنے پر میرے مکان میں آگ لگائی گئی ۔ بتایا گیا ہے کہ کاشانہ ویلفیئر ہوم کی سابقہ سپرنٹنڈنٹ افشاں لطیف کے سرکاری مکان میں اچانک آگ بھڑک اٹھی جو تینوں کمروں تک پھیل گئی ۔ اطلاع ملنے پر ریسکیو ٹیمیں موقع پر پہنچ گئیںجنہوں نے آگ بجھانے کیلئے کارروائی شروع کی ۔ بتایا گیا ہے کہ آتشزدگی سے
تینوں کمروں میں موجود سامان جل کر خاکستر ہو گیا ۔ افشاں لطیف نے الزام عائد کیا ہے کہ کاشانہ سکینڈل اور کائنات کیس کی پیروی کرنے پر میرے کوارٹر کو آگ لگائی گئی۔ انہوں نے کہا کہ کچھ روز قبل کوارٹر پر کچھ افراد کی جانب سے فائرنگ بھی کی گئی تھی۔شبہ ہے جن لوگوں نے مجھ پر فائرنگ کروائی تھی انہوں نے ہی کوارٹر میں آگ بھی لگائی۔