لاہور (آن لائن) لاہور کی دو جیلوں کیمپ جیل اور سینٹرل جیل کوٹ لکھپت سمیت صوبے بھر کی بارہ جیلوں میں ضرورت سے زائد قیدیوں کی رکھے جانے کی وجہ سے پنجاب حکومت نے بیس کروڑ روپے سے زائد کی لاگت سے پنجاب بھر کی جیلوں میں ملٹی سٹوری بیرکس بنانے کا فیصلہ کیا ہے اور اس سلسلے میں محکمہ خزانہ پنجاب نے کیمپ جیل لاہور اور سنٹرل جیل کوٹ لاکھپت پر تین تین منزلہ بیرکس تعمیر کرنے کے لئے محکمہ جیل خانہ جات
کو پانچ کروڑ روپے کے فنڈز جاری کردئیے ہیں۔ بتایا گیا ہے کہ جیلوں پر ملٹی سٹوری بیرکس بنانے کا منصوبہ 3 سالوں میں مکمل کیا جائے گا۔ جبکہ موجودہ جیلوں میں ضرورت سے زائد 23 ہزار سے زائد قیدی موجود ہیں۔ قیدیوں کو سہولتیں فراہم کرنے کے لئے وزیراعلیٰ پنجاب نے اس منصوبے کی فوری منظوری دے دی ہے جبکہ لاہور کی دونوں جیلوں کی ملٹی سٹوری بیرکس بنانے کا کام آئند چند روز میں شروع کردیا جائے گا۔
