اسلام آباد (آن لائن)پاکستان تحریک انصاف کے سینئر رہنما جہانگیر ترین نے کہا ہے کہ میرا نواز شریف سے کوئی رابطہ نہیں ہو ا نہ کرنے کا ارادہ ہے کل بھی عمران خان کے ساتھ تھا آج بھی انہی کے ساتھ ہو ں،نوازشریف سے ملاقات کے حوالے سے سابق وزیر اعظم اور مسلم لیگ (ن)کا میڈیا سیل بے بنیاد خبریں پھیلا رہا ہے۔ میڈیارپورٹس کے مطابق جہانگیر ترین نے نواز شریف کے ساتھ ملاقات کی افواہوں پر خاموشی توڑ تے ہو ئےاپنے ایک بیا ن میں کہا کہ میڈیا کی خبریں چل رہی ہے کہ میں نے نواز شریف سے
ملا قات کا پیغام بھجوایا ہے جس میں کو ئی صداقت نہیں میرا نواز شریف سے کوئی رابطہ نہیں ہے، شریف خاندان کے خلاف عمران خان کے ساتھ مل کرجدوجہد کی میں ایسی حرکت کا تصور بھی نہیں کرسکتا۔جہانگیر ترین نے کہا کہ ڈوبتی کشتی کے سہارے کیلئے میرا کندھا استعمال نہ کیا جائے میں کل بھی وزیراعظم عمران خان کے ساتھ تھا آج بھی اس کے وژن کے ساتھ کھڑا ہو ں، عمران خان ایک سچا اور ایماندار لیڈر ہیں ساری اپو زیشن مل کر بھی اس کا مقابلہ نہیں کرسکتیں۔ انہو ں نے مزید کہا کہ نوازشریف سے ملاقات کے حوالے سے سابق وزیر اعظم اور مسلم لیگ (ن) کا میڈیا سیل بے بنیاد خبریں پھیلا رہا ہے میری پوری کوشش ہوگی کہ میں تحریک انصاف کے ساتھ رہوں۔واضح رہے کہ گذشتہ روز مسلم لیگ ن کے سینیئر رہنما رانا ثناء اللہ نے نواز شریف اور جہانگیر ترین میں رابطے کی تصدیق کی تھی انہوں نے کہا کہ جہانگیر ترین اور نواز شریف کے درمیان ملاقات کے حوالے سے رانا ثناء اللہ نے کہا کہ ان میں براہ راست ملاقات نہیں ہوئی البتہ کچھ لوگوں کی وساطت سے دونوں میں رابطہ ضرور ہوا ہے۔ جہانگیر ترین نے کہا ہے کہ میرا نواز شریف سے کوئی رابطہ نہیں ہو ا نہ کرنے کا ارادہ ہے کل بھی عمران خان کے ساتھ تھا آج بھی انہی کے ساتھ ہو ں،نوازشریف سے ملاقات کے حوالے سے سابق وزیر اعظم اور مسلم لیگ (ن)کا میڈیا سیل بے بنیاد خبریں پھیلا رہا ہے۔