اسلام آباد(مانیٹرنگ ڈیسک) 24 نیوز کا لائسنس بحال کرنے کا حکم جاری،نجی ٹی وی کے مطابق لاہور ہائیکورٹ نے پیمرا کی طرف سے 24 نیوز کی بندش کا اقدام معطل کر دیا ،عدالت نے وفاقی حکومت ، پیمرا و دیگر فریقین کو نوٹس جاری کرتے ہوئے کل جواب طلب کر لیا ۔ پیمرا کی حکم امتناع جاری نہ کرنے کی استدعا مسترد کر دی گئی ، واضح رہے اس سے پہلے چینل 24 نیوز کے سی ای او کی جانب سے جاری کر دہ پیغام میں بتایا گیا کہ ’’کئی لوگوں کیساتھ مشاورت کے بعد آج ہم نے بوجھل

دل کے ساتھ 24 نیوز چینل بند کرنے کا فیصلہ کیا ہے ، میں وفاقی حکومت کی بلیک میلنگ سے تھک گیا ہوں، ہر سیکنڈ، ہر روز پیمرا کے غیر قانونی نوٹسز کیخلاف قانونی فیسیں بھی بھر رہا ہوں، مجھے معلوم ہے کہ یہ ہم میں سے کسی کے لیے بھی آسان نہیں ہوگا لیکن ایک دن ہم واپس آئیں گے ، انشائ اللہ، مہربانی کرکے 24 نیوز کے تمام 965 ملازمین کے لیے ایک ماہ کا نوٹس تیار کریں‘‘علاوہ ازیں مختلف سیاسی شخصیات کی جانب سے بھی پیمرا کے اس اقدام کی مذمت کی گئی تھی ۔

موضوعات:24 نیوز