لاہور (آن لائن)پاکستان پیپلز پارٹی کے چیئرمین بلاول بھٹو زرداری نے رواں ہفتے لاہور میں ڈیرے ڈالنے کا فیصلہ کیا ہے۔ اس سلسلے میںپارٹی کے چیئرمین منگل کی رات لاہور پہنچ گئے ہیں جو اتوار کے روز تک بلاول ہائوس لاہور میں قیام کریں گے۔ پارٹی کے ذرائع کے مطابق بلاول بھٹو زرداری لاہور میں قیام کے دوران پارٹی پنجاب کے جیالوں اور تنظیم کو متحرک کرنے کے لئے اہم فیصلے کریں گے۔
پارٹی پنجاب کی قیادت سے مشاورت کریں گے۔ لاہور میں قیام کے دوران بلاول بھٹو زرداری پارٹی کی قیادت کے مختلف اعلیٰ سطحی اجلاس کی صدارت کریں گے جبکہ ویڈیولنکس پر جیالوں سے خطاب کرتے گے۔ اتوار کے روز پیپلز پارٹی کے چیئرمین بلاول بھٹو زرداری لاہور میں منعقدہ آل پارٹیز کانفرنس کی بھی صدارت کریں گے۔ پارٹی کے چیئرمین نے کرونا وائرس کے باعث پنجاب میں سیاسی سرگرمیاں معطل کر رکھی ہیں۔
