اسلام آباد (نیوز ڈیسک) پاکستان کی معروف اداکارہ عظمیٰ خان اور ان کی بہن ہما خان کی بنائی گئی ایک ویڈیو سامنے آئی ہے جو سوشل میڈیا پر وائرل ہے، اس ویڈیو نے نیا پنڈورا باکس کھول دیا ہے جس سے ایک ہنگامہ بپا ہے، اس ویڈیو میں ایک خاتون غصے میں دونوں سے کہہ رہی ہیں کہ ”مجھے بتاؤ کہ کیا تم میرے شوہر عثمان کے ساتھ ناجائز تعلقات قائم کیے ہوئے ہے“،

اس خاتون نے اداکارہ پر اپنے شوہر سے ناجائز تعلقات کا الزام لگایا ہے، اس ویڈیو کے وائرل ہونے پر اس لڑکے عثمان کو ملک ریاض سے جوڑ دیا ہے اور ان کا رشتہ دار بتایا ہے۔ اس طرح لوگوں نے پروپیگنڈا شروع کر دیا ہے کہ یہ ملک ریاض کا رشتہ دار ہے۔ سوشل میڈیا پر وائرل ویڈیو میں ایک مقام پر اداکارہ عظمیٰ خان ڈری ہوئی دکھائی دیتی ہیں اور خاتون کو آنٹی کہہ کر مخاطب کرتی ہیں جس پر وہ خاتون مزید غصے میں آ گئی اور کہنے لگی کہ ”میں چالیس سال کی عورت ہوں، پاگل ہو، مجھے آنٹی کہہ رہی ہو، تم سے چھ سال بڑی ہوں۔اس موقع پر ملک ریاض بھی میدان میں آ گئے ہیں انہوں نے اپنے ٹوئٹر پیغام میں کہا کہ میں اپنے آپ کو وائرل ویڈیو کیساتھ جوڑے جانے کا بدنیتی پر مبنی پروپیگنڈا مسترد کرتا ہوں، عثمان میرا بھتیجا یا بھانجا نہیں ہے، اس طرح کی مجھے بدنام کرنے کی قبیح حرکت پر میں حیرت زدہ ہوں جس کے ساتھ میرا کسی بھی طرح کا کوئی تعلق نہیں۔ انہوں نے اپنے دوسرے ٹوئٹ میں کہا کہ میں یہ بتانا چاہتاہوں کہ میں ان لوگوں کے خلاف ہتک عزت کا کیس کروں گا جنہوں نے غلط طریقے سے اس قسم کے مکروہ واقعات کے ساتھ مجھے جوڑنے کی کوشش کی۔ بحریہ ٹاؤن کے چیئرمین ملک ریاض نے اس پر شدید ردعمل کا اظہار کیا ہے کیونکہ اس عمل سے ان کی ساکھ کو نقصان پہنچانے کی بے ہودہ کوشش کی گئی ہے۔

I categorically rebut this malicious propaganda associating me with a viral video.Usman is not my nephew.I'm appalled at such below the belt attempt to malign me for something I'm not involved in any capacity. (1/2)

— Malik Riaz Hussain (@MalikRiaz_) May 27, 2020

I would also like to inform that I'll be filing defamation cases against anyone who tries to implicate me wrongfully for such disgraceful incidents. (2/2)

— Malik Riaz Hussain (@MalikRiaz_) May 27, 2020