اسلام آباد (این این آئی)این ڈی ایم اے کی طرف سے ڈاکٹروں کے لیے حفاظتی سامان کی پانچویں کھیپ کی ترسیل شروع کر دی گئی ۔ ترجمان کے مطابق بلوچستان کے چار ہسپتالوں کو سامان بھیجا گیا ، اتوار کو بھیجے گئے سامان میں تین پی سی آر ٹیسٹنگ مشینیں اور 20 ہزار مکمل ٹیسٹنگ کٹس بھی شامل ہیں۔ ترجمان این ڈی ایم اے کے مطابق بلوچستان کو 20 ہزار
سرجیکل ماسک، 6 ہزار D-95 اور 10ہزار KN-95 ماسک ارسال کیے گئے۔ ترجمان کے مطابق 14ہزار حفاظتی سوٹ، 16ہزار جوڑے دستانے اور 500 گاؤنز بھی سامان میں دیئے گئے۔ ترجمان کے مطابق بلوچستان کے لیے 500فیس شیلڈ اور 800 حفاظتی عینکیں ارسال کی گئی ہیں۔ ترجمان کے مطابق 8 ہزار سنیٹائزر کی بوتلیں بھی سامان میں شامل ہیں۔ ترجمان کے مطابق باقی تمام صوبائی اکائیوں کے لیے بھی پانچویں کھیپ کا سامان ارسال کیا گیا ۔
