تھرپارکر( آن لائن )تھرپارکر کا ہندو نوجوان پاکستان ایئر فورس کا پائلٹ بن گیا۔تفصیلات کے مطابق تھرپارکر کے گائوں سے تعلق رکھنے والا راہول دیو پاکستان ایئر فورس میں جی ڈی پائلٹ منتخب ہوگیا ہے۔وزارت داخلہ کے پرنسپل اسٹاف آفیسر رفیق احمد کھوکھر نے سماجی رابطے کی ویب سائٹ ٹویٹر پر ٹویٹ میں راہول دیو کو مبارکباد دیتے ہوئے لکھا ہے راہول کو
پاکستان ایئرپورٹ کا جی ڈی پائلٹ بننے پر مبارکباد۔وہ سندھ کے علاقے تھرپارکر کے گائوں سے تعلق رکھتے ہیں ،ہماری نیک خواہشات اور دعائیں ہمیشہ راہول کے ساتھ ہیں۔ٹوئٹر صارفین کی جانب سے بھی راہول دیو کے لئے مبارکبادوں کا سلسلہ جاری ہے۔ایک صارف کا کہنا ہے کہ کورونا کی پریشان کن صورتحال میں یہ ایک اچھی خبر ہے، تھرپارکر نے ایک بار پھر بازی مارلی۔
