اسلام آباد (نیوز ڈیسک) ماہرینِ فلکیات کا کہنا ہے کہ پاکستان اور سعودی عرب میں اس سال رمضان المبارک کا آغاز ایک ہی دن ہونے کا امکان ہے۔ فلکیاتی حساب کے مطابق یکم رمضان 19 فروری کو ہو سکتا ہے۔

ماہرین کے مطابق 1447 ہجری کے رمضان کا نیا چاند 17 فروری 2026 کو پیدا ہوگا، تاہم اس روز دنیا کے کسی بھی خطے میں چاند دکھائی دینے کی توقع نہیں ہے۔ فلکیاتی اندازوں کے تحت 18 فروری کو پاکستان سمیت مختلف ممالک میں چاند نظر آنے کے امکانات روشن ہیں۔ کراچی، اسلام آباد، پشاور اور مکہ مکرمہ میں بھی اسی تاریخ کو ہلال واضح طور پر دیکھا جا سکتا ہے۔اگر 18 فروری کو رویت کی تصدیق ہو جاتی ہے تو پاکستان اور سعودی عرب دونوں میں رمضان المبارک کا پہلا روزہ 19 فروری کو ہونے کا قوی امکان ہے۔