خرطوم (این این آئی)سوڈان کے وزیر صحت کا ایک وڈیو کلپ سوشل میڈیا پر وائرل ہوا ہے۔ اس کلپ میں انہوں نے حیرت انگیز طریقے سے کرونا وائرس سے خبردار کیا ہے۔ اس کے نتیجے میں عوامی حلقوں میں طوفان کھڑا ہو گیا۔میڈیارپورٹس ککے مطابق سوشل میڈیا پر زیر گردش آنے والے وڈیو کلپ میں سوڈانی وزیر صحت اکرم علی نے شہریوں کو دھماکا خیز انداز سے کوویڈ 19 وائرس سے خبردار کیا۔

اکرم نے ایک پریس کانفرنس کے دوران کرونا وائرس کے حوالے سے گفتگو کرتے ہوئے کہا کہ اس وبا میں آپ کی صحت آپ کے اپنے ہاتھوں میں ہے اس مرض کا پیناڈول کے سوا کوئی علاج نہیں اگر مریض کا دم گھٹ رہا ہو تو اسے آکسیجن دی جائے گی اور اگر اس پر تنگی ہوئی تو وہ مختصر دورانیے میں مر جائے گا۔سوڈانی وزیر کی یہ وڈیو سوشل میڈیا پر فوری طور پر پھیل گئی۔ بعض لوگوں نے وزیر کی جانب سے کھلے انداز میں بیان کو سراہا جب کہ بعض دیگر افراد نے کرونا سے خبردار کرنے کے سلسلے میں سوڈانی وزیر کے تند و تیز انداز پر حیرانی کا اظہار کیا۔