اسلام آباد (این این آئی)پوری دنیا کے ساتھ ساتھ اس وقت پاکستان پر بھی مشکل وقت ہے اور مشکل کی اس گھڑی میں ہم سب کا فرض ہے کہ اپنے ارد گرد غریب اور سفید پوش افراد کا خصوصی خیال رکھا جائے ۔ان خیالات کا اظہار سابق وزیر اعظم پاکستان و صدر پاکستان مسلم لیگ چوہدری شجاعت حسین نے صدر پاکستان مسلم لیگ راولپنڈی زبیر احمد خان اور جنرل سیکرٹری فیاض تبسم سے ٹیلی فون پر گفتگو کرتے ہوے کہا ۔

اس موقع پر دونوں رہنماؤں نے پاکستان مسلم لیگ کی طرف سے ضلع میں کیے جانے والے اقدامات کے بارے میں شجاعت حسین صاحب کو بتایا انہوں نے بتایا کہ جب سے کرونا وائرس آیا ہے تب سے مسلم لیگ ہاؤس راولپنڈی کو کرونا ریلیف سنٹر بنا دیا گیا ہے اور ریلیف کمیٹی بنائی گئی ہے جس کی سربراہی سابقہ ایم پی اے میڈیم سمینہ جدون اور سابق ایم این اے و پارلیمانی سیکرٹری رخسانہ جمشید بٹر صاحبہ اور کوآرڈینیٹر فیاض تبسم صاحب کر رہے ہیں اس کمیٹی نے اب تک چار پانچ سو سفید پوش گھرانوں کو بنا کسی تصویر اور میڈیا کوریج کے اور کسی بھی ایسے اقدام سے کہ جس سے ان کی عزت مجروح ہو راشن ان کے گھروں تک پہنچایا ہے اور آمدہ رمضان المبارک کے لیے بھی ایک بہت بڑے پیکج کی تیاری کی جارہی ہے جو رمضان سے ایک دو دن پہلے تک پہنچا دیا جائے گا اس کے علاؤہ اپنی مددآپ کے تحت راولپنڈی سٹی اور کینٹ کی مختلف یوسیز اور وارڈز میں کورونا ڈس انفیکشن سپرے کروائے گئے ہیں اور پارٹی کی جانب سے کرونا سے بچاؤ کے اقدامات کی اگاہی کے پمفلٹ تقسیم کیے گئے ہیں۔ چوہدری شجاعت حسین صاحب نے مسلم لیگ راولپنڈی کی ساری ٹیم کی محنت کو سراہا اور ہدایت کی کہ حفاظتی انتظامات کو مدنظر رکھتے ہوئے راشن اور ریلیف کا کام کیا جائے۔

موضوعات:چوہدری شجاعت حسین