لاہور (این این آئی)سابق وفاقی وزیر اور اپوزیشن جماعت مسلم لیگ (ن) کے سینئر رہنما سینیٹر پرویز رشید نے حکمران جماعت تحریک انصاف تحریک تکلیف قرار دیدیا۔ایک بیان میں پرویز رشید نے کہا کہ تبدیلی حکومت میں صرف تحریک انصاف تحریک تکلیف میں تبدیل ہوئی ہے۔انہوں نے کہا کہ مہنگائی کے ڈان حکومت کی بغل میں موجود ہیں، جنہوں نے دنوں میں عوام کو اربوں روپے کا ٹیکا لگادیا۔پرویز رشید نے کہا کہ
چند دن میں اربوں روپے کا ٹیکا لگانے والوں سے مہنگائی رکوانے کی توقع رکھنا ’بلی‘ کو دودھ کی رکھوالی پر بیٹھا کر اس سے بچانے کی حماقت پر خوش ہونے جیسا ہے۔انہوں نے کہاکہ آنے والے دنوں میں مہنگائی کے ساتھ ساتھ قلت کی سونامی بھی آرہی ہے۔ن لیگی سینیٹر نے کہا کہ جو مچھر اور ٹڈیوں سے عوام اور ان کی فصل کو نہیں بچاسکے وہ سرکار کی پناہ میں موجود لْٹ مچاؤ گروہ سے کیسے بچاسکتے ہیں؟
