سرگودھا(این این آئی) پولیس کانسٹیبل کی دو ساتھیوں کے ہمراہ آٹھویں جماعت کی طالبہ سے مبینہ زیادتی کا مقدمہ درج کر کے پولیس نے ملزمان کو گرفتار کر لیا۔جس پر پولیس کانسٹیبل کو معطل کر کے رپورٹ طلب کر لی گئی۔ذرائع کے مطابق سرگودھا ریجن کے علاقہ میانوالی وانڈھی گھنڈ والی کے منیر کی 14 سالہ بیٹی(ر) آٹھویں کی طالبہ کو گھر سے پیدل سکول جاتے ہوئے راستہ میں ایاز شاہ نے ساتھی سعد کے ہمراہ زبردستی موٹر سائیکل پر سوار کر لیا اور محلہ میانہ میں مسجد سلطان علی کے قریب ملک اسد کے مکان پر لے گئے
جہاں تینوں نے طالبہ سے مبینہ طور پر زبردستی زیادتی کی۔ جس کے باعث طالبہ کی حالت غیر رہی اور اس کا طبی معائنہ کروا لیا گیا۔ پولیس تھانہ سٹی میانوالی نے بچی کے والد منیر کی مدعیت میں اجتماعی زیادتی کے الزام میں مقدمہ درج کر کے ملزمان کو گرفتار کر لیا۔جس پر پولیس کانسٹیبل کو معطل کر کے حکام نے واقعہ کی رپورٹ طلب کر لی ہے جبکہ متاثرہ بچی کے لواحقین نے پولیس حکام سے مطالبہ کیا ہے کہ انصاف کرتے ہوئے بچی کی زندگی برباد کرنے والے ملزمان کو قرار واقعی سزا دی جائے۔
