سرگودھا(این این آئی)لو میرج میں ناکامی پر کزن جوڑے نے زہریلی گولیاں کھالیں جن میں 22 سالہ دوشیزہ دم توڑ گئی جبکہ نوجوان کو تشویشناک حالت میں ریفر کر دیا گیا۔زرائع کے مطابق سرگودھا فیصل آباد روڈ کے علاقہ چناب نگر کے موضع طاہر آباد میں دو کزن سندھ کے علاقہ بدین سے آیا 26 سالہ نوجوان کامران اور طاہر آباد کی 22 سالہ دوشیزہ ادیبہ مظفر ایک دوسرے کو پسند کرتے ہوئے لومیرج کرنا چاہتے تھےلیکن دونوں گھرانے راضی نہ ہو سکے اور والدین کے انکار پر دلبراشتہ 22 سالہ دوشیزہ ادیبہ بی بی

نے زہریلی گولیاں کھا لیں جس پر سندھ کے علاقہ بدین سے آئے ہوئے 26 سالہ نوجوان کزن کامران نے بھی زہریلی گولیاں کھا لیں جس پر انہیں ڈیچ ایچ کیو ہسپتال منتقل کیا گیا جہاں دوشیزہ ادیبہ مظفر دم توڑ گئی جبکہ نوجوان کامران کو طبی امداد فراہم کرکے تشویشناک حالت میں فیصل آباد ریفر کر دیا گیا۔معلوم ہوا ہے کہ لڑکی کے اہلخانہ کے رشتہ سے انکار پر انہیں منانے سندھ کے علاقہ بدین سے اپنی پسند کزن کے گاوں آیا ہوا تھا۔ جہاں ایک دوسرے نے زہریلی گولیاں کھا لیں تھانہ چناب نگر پولیس مصروف تفتیش ہے۔