اسلام آباد(مانیٹرنگ ڈیسک)بھارتی حکومت کی طرف سے نہتے کشیریوں پر ڈھائے جانے والے مظالم کیخلاف شہریوں نے پاکستان اور بنگلہ دیش کے درمیان راولپنڈی میں کھیلے جانے والے میچ کے دوران بھارتی وزیر اعظم کیخلاف فلک شگاف نعرے لگائے، شائقین کرکٹ کا کہنا تھا کہ اہم امن دوست ہیں اور امن ہمارا ایمان ہے ، بھارت ہمارا دشمن ملک ہے ، جبکہ بنگلہ دیش ہمارا دوست ملک ہے ، ہم اپنے بنگلہ دیش کو کبھی نہیں بھول سکتے۔
بنگلہ دیش کرکٹ ٹیم کے دورہ پاکستان سے دونوں ممالک کے عوام ایک دوسرے کے قریب آئینگے ، شکریہ بنگلہ دیش ہمیں فخر ہے ، مستقبل میں بھی ہم بنگلہ دیش کو سپورٹ کرینگے ، مودی جنوبی ایشیا کا سب سے بڑا دہشت گرد ہے ، خطے میں امن کو خطرہ مودی سے ہے ، ہم میچ کے دوران کشمیر اور پاکستان کے جھنڈے لائے ہیں تاکہ ہم دنیا کو بتا سکیں کہ ہم مقبوضہ کشمیر کے نہتے کشیریوں کے ساتھ ہیں اور رہیں گے ، کشمیری ہمارے بھائی ہیں۔
