لاہور(این این آئی)مسلم لیگ (ن) پنجاب کی ترجمان عظمیٰ بخاری نے کہا ہے کہ عمران خان پاکستانیوں کے گورباچوف اور عثمان بزدار شہزادہ سلیم ثابت ہوئے ہیں،وزیراعظم سے لے کر ہر حکومتی شخص یوٹرن لینا اپنا فرض سمجھتا ہے۔

اپنے ایک بیان میں انہوں نے کہاکہ وزیراعلیٰ کامیٹرو بس کے کرایوں پر یوٹرن عمران خان کا شاخسانہ ہے۔تحریک انصاف پنجاب کے عوام کو دی سہولیات چھینے آئی ہے۔نیازی حکومت نے ہر شعبے کو دی سبسڈی واپس لے لی ہے۔عوام سے ٹیکس دینے کا مطالبہ کرنے والے وزیراعظم عوام کو بدلے میں مہنگائی اور بے روزگاری دے رہے ہیں۔پاکستان میں ہر حکومت عوام کو ریلیف دیتی رہی لیکن یہ حکومت ریلیف چھینے آئی ہے۔حکمرانوں کو شرم دلانے پر ہی عام آدمی کے مسائل کا شکار ہونے کا یقین ہوتا ہے۔20کلوآٹے کے تھیلے پر 3روپے کم کرکے جہانگیر ترین نے بہت بڑا معرکہ سر کیا ہے۔حکمران طبقہ غریبوں کی غربت کا بھی مذاق اڑارہا ہے۔نیازی صاحب ریلیف دے نہیں سکتے تو دیا گیا ریلیف چھینیں تو نہ۔عمران خان نے اپنے تمام فیصلوں پربار بار یوٹرن لینا زندگی کا مقصد بنالیا ہے۔کفاعت شعاری کا نعرہ لگانے والے شاہانہ زندگی گزارہے ہیں۔عوام کو ہر ماہ مہنگائی کے تحفے دیے جارہے ہیں۔عمران خان پاکستانیوں کیلئے گوربا چوف ثابت ہوئے ہیں اور عثمان بزدار شہزادہ سلیم بن کر مغلیہ سلطنت کا دیوالیہ نکال رہے ہیں۔