اسلام آباد(مانیٹرنگ ڈیسک)چیف جسٹس آصف سعید کھوسہ نے کہا ہےکہ  میں نے پاناما کیس کے فیصلے میں گاڈ فادر نہیں لکھا لیکن عرفان قادر نے 100 مرتبہ پروگراموں میں کہاکہ میں نےنوازشریف کوگاڈ فادرلکھا، پھر سسیلین مافیا کی بات بھی مجھ سے جوڑ دی گئی۔ذرائع کے مطابق چیف جسٹس نے کہا کہ قادری کیس کے فیصلے پر اس وقت کے جنرل راحیل شریف کا پیغام ملا کہ آپ کوسکیورٹی دیں گے۔

ایک دن سوچا پھر جواب دیا اگر ایک دفعہ سکیورٹی کی گود میں بیٹھ گئے تو نکل نہیں سکیں گے۔جسٹس آصف سعید نے مزید کہا کہ انگریز نے اپنےگزٹیئر میں لکھا کہ پنجابی کو ساتھ لےکرچلنا چاہتے ہو تو اسے لیڈ کرو، سندھی کا استحصال، پٹھان کو رشوت اور بلوچ کو عزت دو۔انہوں نے کہا کہ خصوصی عدالت کے سربراہ کو نامزدکیا لیکن نوٹیفکیشن کے بعد سیکرٹری لاء کو ہٹا دیا گیا، قانون کی حکمرانی سے معاشرے اور ملک ترقی کرتے ہیں۔