لاہور (آن لائن) مسلم لیگ ن کے صدر میاں شہبازشریف نے کہا ہے کہ عدالت نے حکومت کا موقف مسترد کر دیا، نواز شریف کو علاج کے لئے بیرون ملک جانے کی اجازت مل گئی ہے جس پر پوری قوم کو مبارکباد ہو۔ لاہور ہائیکورٹ کے فیصلے کے بعد میڈیاسے گفتگو کرتے ہوئے انہوں نے کہا کہ عدالت عالیہ نے نواز شریف کو علاج کی غرض سے باہر جانے کی اجازت دیدی ہے
اور عدالت حکومتی بانڈز کی شرط کو مسترد کرتے ہوئے ہمارا موقف تسلیم کر لیا ہے جس پر پور ی قوم کو ہم مبارکباد دیتے ہیں اور میاں نواز شریف کا علاج فوری ہونا چاہیے حکومت نے علاج میں جو رکاوٹ پیدا کی تھی وہ اب دور ہو گئی ہے۔ میاں نواز شریف کے لئے دعا کرنیوالے تمام لوگوں بالخصوص وکلاء اور مسلم لیگ ن کے رہنماؤں اور کارکنوں کا شکریہ ادا کرتا ہوں۔
