پشاور(این این آئی)خیبر پختونخوا کے وزیر اطلاعات شوکت یوسفزئی نے کہا ہے کہ مولانا فضل الرحمن حواس باختہ ہو چکے ہیں ان کو کچھ سمجھ نہیں آ رہا کہ کیا کریں۔ ان کا دماغی توازن متاثر ہوا ہے ان کو ایک اچھے سائیکاٹرسٹ کی ضرورت ہے۔ سڑکیں بند کرنے سے عوام کو تکلیف ہوگی

مولانا فضل الرحمان اپنی شکست کا بدلہ پورے پاکستان سے لینا چاہتا ہے انہیں کسی اور نے نہیں اپنے حلقے کے عوام نے مسترد کیا ہے۔ویڈیو پیغام میں صوبائی وزیر اطلاعات شوکت یوسفزئی نے کہا کہ مولانا فضل الرحمان شروع دن سے انتشار پھیلانے کے منصوبے بنا رہے تھے مگر انہیں شکست ہوئی اور دھرنا انکا ناکام ہو گیا عوام نے ان کے دھرنے کو مسترد کر دیا۔ مولانا فضل الرحمان کے پاس حکومت کے خلاف احتجاج کا کوئی جواز نہیں عوام نے ان کے بیانیے کو مسترد کیا ہے۔شوکت یوسفزئی کاکہنا تھا کہ پاکستان ترقی کی راہ پر گامزن ہوچکا ہے مشکل دور گزر گیا اب عوام کو ریلیف دینے کا وقت آیا ہے وزیراعظم عمران خان نے پاکستان کو دیوالیہ ہونے سے بچایا مولانا فضل الرحمان سیاسی انتشار پھیلا کر ملک کو عدم استحکام کا شکار کرنا چاہتے ہیں۔انکاکہنا تھا کہ پرامن احتجاج کی پہلے ہی حکومت اجازت دے چکی لیکن لیکن قانون کو ہاتھ میں لینے والوں کے ساتھ سختی سے نمٹا جائے گا۔ خیبر پختونخوا کے وزیر اطلاعات شوکت یوسفزئی نے کہا ہے کہ مولانا فضل الرحمن حواس باختہ ہو چکے ہیں ان کو کچھ سمجھ نہیں آ رہا کہ کیا کریں۔ ان کا دماغی توازن متاثر ہوا ہے ان کو ایک اچھے سائیکاٹرسٹ کی ضرورت ہے۔ سڑکیں بند کرنے سے عوام کو تکلیف ہوگی مولانا فضل الرحمان اپنی شکست کا بدلہ پورے پاکستان سے لینا چاہتا ہے انہیں کسی اور نے نہیں اپنے حلقے کے عوام نے مسترد کیا ہے۔