اسلام آباد (این این آئی) وزیر اعظم عمران خان نے کہاہے کہ میں نے مکمل چھان بین کرائی ہے نوازشریف واقعی بیمار ہیں،نواز شریف کو مرضی کا اعلاج کر انے دینا چاہیے، یہ بات یقینی بنائیں کہ نوازشریف علاج کے بعد واپس آئیں۔ ذرائع کے مطابق وفاقی کابینہ کے اجلاس کی اندرونی کہانی سامنے آگئی ہے جس میں وزیر اعظم عمران خان نے کہاکہ ہم انسانی ہمدردی کی بنیاد پر یہ فیصلہ کررہے ہیں، میں نے مکمل چھان بین کرائی ہے نوازشریف واقعی

بیمار ہیں۔ انہوں نے کہاکہ نوازشریف کو ان کی مرضی کا علاج کرانے دینا چاہیے، یہ بات یقینی بنائیں کہ نوازشریف علاج کے بعد واپس آئیں، ذیلی کمیٹی ای سی ایل سے متعلق اپنا کردار ادا کرے۔ انہوں نے کہاکہ ذیلی کمیٹی شہبازشریف سے مکمل ضمانت لے۔وزیراعظم عمران خان نے کہا کہ نواز شریف کو صرف انسانی ہمدردی کی بنیاد پر بیرون ملک بھیجا جارہا ہے، ڈیل کا تاثر درست نہیں ہے احتساب کا عمل جاری رہے گا۔