اسلام آباد (مانیٹرنگ ڈیسک) سابق وزیراعظم میاں نواز شریف کا نام ای سی ایل سے نکالنے کے معاملے پر نیب کے افسران نے اپنے شدید تحفظات کا اظہار کیا ہے، ایک نجی ٹی وی کی رپورٹ کے مطابق میاں نواز شریف کا نام ایگزیٹ کنٹرول لسٹ سے نکالنے کے معاملے پر نیب افسران میں شدید تشویش پائی جا رہی ہے۔ نیب افسران نے واضح موقف اختیار کرتے ہوئے کہا کہ میاں نوازشریف کو بیرونِ ملک بھیجنا مقصود ہے تو پلی بارگین کے بعد بھیجا جائے، نواز شریف کا نام ای سی ایل سے نکالنے کے فیصلے کا نیب

حصہ نہیں بنے گی۔ دوسری طرف وفاقی وزیر قانون نے کابینہ کی ذیلی کمیٹی کا اجلاس صبح دس بجے طلب کر لیا ہے،وزارت داخلہ کی ذیلیکمیٹی کی جانب سے سیکرٹری صحت پنجاب کو بھی نوٹس جاری کیا گیا ہے، پنجاب حکومت کی جانب سے بنائے گئے میڈیکل بورڈکو بھی نوٹس جاری کردیا گیا ہے، ذیلی کمیٹی کی جانب سے فریقین کومتعلقہ دستاویزات کے ساتھ کمیٹی میں پیش ہونے کی ہدایات بھی دی گئی ہیں، ذیلی کمیٹی کی جانب سے کہا گیا ہے کہ درخواست گزار شہباز شریف یا ان کا نمائندہ پیش ہوں۔

موضوعات:نوازشریف