لاہور(آن لائن)نواز شریف کے ذاتی معالج ڈاکٹرعدنان کا کہنا ہے کہ سابق وزیر اعظم کو کم پلیٹ لیٹس اور دل کے عارضے کا شدید مرض لاحق ہے۔ایک بیان میں ڈاکٹرعدنان کا کہنا ہے کہ پلیٹ لیٹس اوردل کا عارضہ دونوں بیماریاں سنجیدہ نوعیت کی ہیں،جس کی وجہ سے ان کی حالت تشویشناک اور غیر مستحکم ہے۔ڈاکٹر عدنان نے بتایا کہ بیماریوں نے نواز شریف کی جان اور زندگی کو خطرے میں ڈال دیا ہے، ان کا اکیوٹ آئی ٹی پی
کا مسئلہ ہے۔انہوں نے کہا کہ نواز شریف کی بیماری کی تشخیص ابھی باقی ہے۔واضح رہے کہ سروسز اسپتال ذرائع کا کہنا ہے کہ نواز شریف کے دل کے ٹیسٹ کی رپورٹ میں ان کا ٹراپ آئی اور ٹراپ ٹی ٹیسٹ پازیٹو آیا ہیجس کا مطلب ہے کہ انہیں معمولی ہارٹ اٹیک ہوا ہے۔پرنسپل سمز پروفیسر ڈاکٹر محمود ایاز نے نے بتایا ہے کہ نواز شریف کی حالت اب بہتر ہے، ان کی انجیو گرافی نہیں کی جا رہی۔
