اسلام آباد (این این آئی) پاکستان پیپلز پارٹی نے ملک بھر میں بھارتی مظالم کیخلاف جلوس اور ریلیاں نکالنے کا اعلان کردیا۔ ایک بیان میں نیر بخاری نے کہاکہ ملک بھر میں کشمیریوں کے حقوق کی حمایت کیلئے جلوس نکالے جائیں گے۔ انہوں نے کہاکہ صوبائی اور ضلعی تنظیمیں جلسے منعقد اور جلوس
نکالیں گی، چیئرمین بلاول بھٹو زرداری کی قیادت میں تحریک جدوجہد آزادی میں کشمیریوں کی پشت پر ہیں۔ نیر بخاری نے کہاکہ 80لاکھ کشمیری کرفیو کے باعث انسانی حقوق سے محروم ہیں، مقبوضہ کشمیر دنیا کی بڑی جیل بن چکا۔ انہوں نے کہاکہ تحریک آزادی کشمیر جلد کامیابی سے ہمکنار ہوگی۔
