اسلام آباد(مانیٹرنگ ڈیسک)(ن)لیگ وکلا ونگ کے نائب صدر اغوا ۔نجی ٹی وی کے مطابق ہنجروال پولیس سٹیشن میں ان کے بھائی ناظم حسین کی جانب سے درج کروائی گئی شکایت میں کہا گیا کہ کاشف علی چوہدری کیبل کی تار لینےمارکیٹ گئے تھے جہاں 2 گاڑیوں میں سوار نامعلوم افراد نے آکر انہیں روکا۔ملزمان نے ایڈووکیٹ کاشف کو زبردستی پکڑا اور انہیں گاڑی میں ڈال کر فرار ہوگئے۔پولیس نے مقدمہ درج کرنے کے لیے شکایت وصول کر کے

وکیل کی جلد بازیابی کے لیے تحقیقات کا آغاز کردیا۔تاہم سوشل میڈیا پر وائرل ہونے والی کلوز سرکٹ کیمرہ فوٹیج میں دیکھا جاسکتا ہے کہ سادہ لباس میں ملبوس نقاب پوش افراد کاشف چوہدری کو پکڑ کر لے جارہے تھے اور بعد میں انہیں گاڑی میں ڈال دیا گیا۔اس حوالے سے یہ رپورٹس بھی سامنے آئی ہیں کہ کاشف چوہدری نے 3 روز قبل نواز شریف کی احتساب عدالت میں پیشی کے موقع پر ریاستی ادارے کے خلاف نعرے بازی کی تھی۔جس کی تحقیقات جاری ہیں ۔