ا سلام آباد (این این آئی)وفاقی وزیر برائے امور خارجہ شاہ محمود قریشی نے کہا ہے کہ بھارت میں اگر جرات ہے تو بین الاقوامی میڈیا کو مقبوضہ کشمیر جانے کی اجازت دے،کشمیری پوری دنیا میں احتجاج کررہے ہیں، مودی کس منہ سے ہوسٹن میں جلسہ کرنے جارہے ہیں؟۔ایک انٹرویو میں شاہ محمود قریشی نے کہا کہ بھارتی حکومت میں جرات ہے تو غلام نبی آزاد کے ساتھ بین الاقوامی میڈیا کو بھی مقبوضہ کشمیر

میں جانے کی اجازت دے۔شاہ محمود قریشی نے مودی سرکار کی ڈھٹائی پر سوال اْٹھاتے ہوئے کہا کہ کشمیری پوری دنیا میں احتجاج کررہے ہیں، مودی کس منہ سے ہوسٹن میں جلسہ کرنے جارہے ہیں؟انہوں نے کہا کہ بین الاقوامی میڈیا بھارتی موقف کو مسترد کر رہا ہے، (آج) منگل کو یورپین پارلیمنٹ میں کشمیر پر بحث ہوگی، عمران خان کے نیویارک پہنچنے سے پہلے ہی بھارت بے نقاب ہوچکا ہوگا۔