کراچی(این این آئی)پاکستان تحریک انصاف(پی ٹی آئی)کے رکن قومی اسمبلی ڈاکٹرعامر لیاقت حسین وزیراعظم کی معاون خصوصی فردوس عاشق اعوان پر برس پڑے۔سماجی رابطے کی ویب سائٹ ٹوئٹر سے جاری اپنے پیغام میں انہوں نے لکھا کہ وزیراعظم عمران خان کو گھر بھیجنے والے خود گھر چلے گئے۔اپنے پیغام میں انہوں نے کہاکہ عمران خان کو ہم نے ووٹ دیا ہے، کسی کا باپ اسے ہٹا نہیں سکتا!!۔
انہوں نے کہا کہ فردوس عاشق اعوان کا کہا گیا سیاق و سباق سے ہٹ کر نہیں پیش کیا جا رہا یہ سب کے سامنے واضح ہے۔ڈاکٹرعامرلیاقت نے کہاکہ عمران خان کو ہم نے ووٹ دیا ہے، کسی کا باپ انہیں ہٹا نہیں سکتا۔یاد رہے کچھ روز قبل میڈیا سے گفتگو کرتے ہوئے فردوس عاشق اعوان نے کہا تھا کہ چاہے وزیراعظم ہوں یا وزیراعلی، اس حکومت کا جو شخص کارکردگی نہیں دکھائے گا وہ گھر جائے گا۔
