اسلام آباد(مانیٹرنگ ڈیسک) مری میں ایک بار پھر سیر و تفریح کی غرض سے آئے سیاحوں کو مال روڈ کے دکانداروں نے مار پیٹ کا نشانہ بنا ڈالا۔میڈیا رپورٹس کے مطابق چند سیاح مال روڈ کی ایک کافی شاپ پر آئے تاہم کسی معاملے میں معمولی سی تلخ کلامی ہونے کے بعد کافی شاپ کے ملازمین نے گاہکوں کی مار پیٹ شروع

کر دی۔ ان کی دیکھا دیکھی آس پاس کے دکاندار بھی وہاں جمع ہو گئے۔ جنہوں نے مار پیٹ کا نشانہ بننے والوں کی پٹائی میں اپنا اپنا حصہ ڈالا۔اس واقعے کی ویڈیوتیزی سے سوشل میڈیا پر وائرل ہو رہی ہے۔یاد رہے کہ اس سے پہلے بھی مری میں آنے والے سیاحوں کو ہراساں کرنے کے مختلف واقعات سامنے آچکے ہیں ۔

موضوعات:مری