اسلام آباد (این این آئی)پاکستان مسلم لیگ (ن) کی مشترکہ پارلیمانی پارٹی نے حکومت کی ناکام خارجہ پالیسی، وزیراعظم کے دورہ امریکہ اور کشمیر کے معاملے پر حقائق بھرپور انداز میں سامنے لانے کیلئے اپنے اراکین پارلیمنٹ کوہدایت کردی۔منگل کو پاکستان مسلم لیگ (ن) کی مشترکہ پارلیمانی پارٹی کا اجلاس،قومی اسمبلی میں اپوزیشن لیڈر شہباز شریف اور سینیٹ میں
اپوزیشن لیڈر راجہ ظفرالحق کی مشترکہ صدارت میں منعقد ہوا۔ اجلاس میں مقبوضہ کشمیر کا معاملہ بھرپور انداز میں اٹھانے پر اتفاق کیا گیا۔اجلاس میں حکومت کی مبینہ ناکام خارجہ پالیسی پر بھی کڑی تنقید کی گئی۔اجلاس میں پارٹی کے سیکریٹری جنرل احسن اقبال نے پارٹی اراکین کو کو کشمیر سے متعلق بریفنگ دیتے ہوئے بتایا کہ مقبوضہ کشمیر میں بھارتی جارحیت بڑھتی جا رہی ہے۔سینئر حریت رہنماؤں کو نظربند کر دیا گیا ہے،حریت رہنما یاسین ملک کی صحت کے حوالہ سے تشویشناک خبریں آ رہی ہیں۔انہوں نے کہا کہ اس وقت فوری طور پہ مشترکہ حکمت عملی اپنانے کی ضرورت ہے۔ انہوں نے کہا کہ مسلم لیگ (ن) اپنے اجلاس میں حکومت کی غلط پالیسیوں وزیراعظم کے دورہ امریکہ اور کشمیر سے متعلق حکومتی پالیسی بارے کھل کر بات کرنے کیلئے اراکین قومی اسمبلی اور سینیٹرز کو ہدایات جاری کیں۔انہوں نے کہا کہ مسلم لیگ (ن) اپنے اجلاس میں حکومت کی غلط پالیسیوں وزیراعظم کے دورہ امریکہ اور کشمیر سے متعلق حکومتی پالیسی بارے کھل کر بات کرنے کیلئے اراکین قومی اسمبلی اور سینیٹرز کو ہدایات جاری کیں۔
