اسلام آباد (این این آئی)پاکستان مسلم لیگ (ن) نے ترجمان مریم اورنگزیب کی ملتان، سکھر موٹروے کی تکمیل پر قوم کو مبارکباد دی ۔ ایک بیان میں انہوںنے کہاکہ نواز شریف کا شروع کردہ ایک اور تحفہ قوم کو مبارک ہو۔ انہوں نے کہاکہ نوازشریف نے محنت، خلوص، ایمانداری، دیانتداری اور قومی جذبے سے اتنے منصوبے لگائے کہ
نالائق حکومت ان کا افتتاح کرنے سے بھی ڈر رہی ہے۔ انہوں نے کہاکہ چین کی حکومت اور کمپنی کو بھی مبارک دیتے ہیں کہ انہوں نے پاکستان میں موٹر ویز کا جال بچھانے میں پاکستان کی مدد کی۔ انہوں نے کہاکہ یہ سی پیک کا سب سے بڑا منصوبہ تھا جو الحمداللہ مکمل ہوگیا۔ انہوں نے کہاکہ ملتان سکھر موٹروے کی تکمیل سے جنوبی پنجاب اور سندھ کے عوام کو سفر کی جدید ترین اور معیاری سہولیات میسر آنے پر مبارک ہو۔ انہوں نے کہاکہ بے گْناہ نواز شریف جیل میں بیٹھ کر بھی عوام کو اچھی خبر دے رہا ہے،وزیراعظم ہاؤس میں قید سلیکٹڈ وزیراعظم قوم کو روز بری خبریں سنا رہا ہے۔ انہوں نے کہاکہ 392 کلومیٹر طویل موٹروے پاکستان دوستی کا شاہکار ہے۔انہوں نے کہاکہ چھ رویہ اس موٹروے کے لیے چین نے فراخدلانہ رعایتی قرض فراہم کیا تھا۔انہوں نے کہاکہ نواز شریف کا موٹروے کے ذریعے پورے ملک کو جوڑنے کا خواب ہورا ہورہا ہے۔انہوں نے کہاکہ آج سندھ کے عوام کو بھی موٹر وے کا تحفہ مل گیا، انہیں مبارک ہو۔انہوں نے کہاکہ ملتان سکھر موٹروے کی تعمیر سے سفر کے دورانیہ میں نمایاں کمی آئے گی، ٹرانسپورٹیشن آسان ہوگی۔انہوں نے کہاکہ ملتان سکھر موٹروے سے کاروباری، صنعتی اور تجارتی سرگرمیوں کو بھی فروغ ملے گا۔
