اسلام آباد (این این آئی) اسلام آبا د کی احتساب عدالت نے توشہ خانہ کیس میں نیب کی تفتیشی ٹیم کو کوٹ لکھ پت جیل میں قید نواز شریف سے پوچھ گچھ کی اجازت دیدی۔ پیر کو سماعت احتساب عدالت نمبردو کے جج محمد ارشدملک نے کی۔

ڈپٹی ڈائریکٹر نیب راحیل اعظم نے کہاکہ نوازشریف سے بطورملزم تفتیش کی اجازت دی جائے۔عدالت نے درخواست منظورکرتے ہوئے تفتیشی ٹیم کوکوٹ لکھ پت جیل میں قیدنوازشریف سے پوچھ گوچھ کی اجازت دیدی۔تفتیشی کے مطابق 3گاڑیاں زرداری جبکہ ایک گاڑی نوازشریف کے پاس ہے،جواس وقت کے وزیراعظم یوسف رضاگیلانی نے فراہم کیں۔تفتیشی افسر کے مطابق 4لاکھ تک مالیت کی اشیاء جوبطورتحفہ ملی ہووہ پاس رکھ سکتے ہیں لیکن اس سے زائد کی نہیں اورگاڑیاں بھی نہیں رکھ سکتے۔تفتیشی افسر کے مطابق سیکرٹری غیاث الدین نے سمری بھجوائی تھی۔تفتیشی افسر کے مطابق تحفہ میں ملی گاڑیاں صدراوروزیراعظم نہیں رکھ سکتے، یہ کیبنٹ کوچلی جاتی ہیں نوازشریف والی گاڑی کی مالیت6لاکھ رکھی گئی۔انہوں نے بتایاکہ IDS-78 گاڑی کانمبر ہے مرسڈیزبنز جووزیراعظم یوسف رضاگیلانی نے غیرقانونی طورپر 2008ء میں نوازشریف کو دی،1997میں سعودی عرب نے تحفہ دی تھی۔تفتیشی کے مطابق گاڑی کی کل مالیت کا 20 فیصدادائیگی کے عوض دی گئی جبکہ قانوناایسا نہیں کرسکتے تھے۔تفتیشی کے مطابق سرگاری خزانے کو بھاری نقصان پہنچایاگیا،استدعاکہ عدالت جیل میں نوازشریف سیتفیش کی اجازت دے، عدالت نے درخواست منظور کرتے ہوئے نیب کی تفتیشی ٹیم کو کوٹ لکھ پت جیل میں قید نواز شریف سے پوچھ گچھ کی اجازت دیدی۔