اسلام آباد(مانیٹرنگ ڈیسک)انڈیا کے ہاتھوں قومی ٹیم کی شکست پر جہاں پورا ملک افسردہ ہے وہیں ایک شخص سے یہ صدمہ برداشت نہ ہوا اور وہ اللہ کو پیارا ہو گیا۔نجی ٹی وی کے مطابق ٹانڈا کے نواحی گاؤں موضع مہلو کا رہائشی چوہدری خان مہلو قومی کرکٹ ٹیم کی شکست کا صدمہ برداشت نہ کر سکا۔چوہدری خان دل

کا دورہ پڑنے سے خالق حقیقی سے جا ملا۔واقعہ کی خبر اہل علاقہ کو ہوئی تو ہر آنکھ اشکبار ہو گئی۔اہل علاقہ نے قومی ٹیم پر تنقید بھی کی اور کہا کہ اگر میرٹ پر ٹیم منتخب ہوتی تو پاکستان میچ جیت جاتا اور ہمیں یہ دن نہ دیکھنا پڑتا۔ یاد رہے کہ بھارت نے اہم میچ میں پاکستان کو 89رنز سے شکست دیدی تھی ۔