اسلام آباد(مانیٹرنگ ڈیسک)چیئرمین نیب کی متنازعہ ویڈیو سامنے لانے والی خاتون طیبہ گل لاہور کی احتساب عدالت میں پیش ، شوہر فاروق نول کو بھی اس مقدمے میں جیل سے عدالت لایا گیا۔احتساب عدالت کے جج جواد الحسن نےکیس کی سماعت کرتے ہوئے اگلے ہفتےملزموں کو ریفرنس کی کاپیاں فراہم کرنے کی ہدایت کی جس پر ملزمہ طیبہ گل نے کہا کہ ریفرنس کی کاپیاں آج ہی فراہم کیں جائیں۔جج نے کہا کہ پہلے یہ دیکھ لیں کہ ریفرنس کی کاپیاں مکمل ہیں یا نہیں پھر آپ کو فراہم کردیں گے تاہم طیبہ نے اصرار کیا کہ شوہر کی رہائی کے
لیے ہائیکورٹ میں ضمانت کی درخواست دائر کرنا ہے لہذا آج ہی کاپیاں فراہم کیں جائیں۔عدالت نے طیبہ گل کے اصرار پر آج ہی ریفرنس کی کاپیاں فراہم کرنے کی ہدایت کی ہے۔عدالت نے طیبہ کے شوہر فاروق کے جوڈیشل ریمانڈ میں 14 دن تک توسیع کرتے ہوئے سماعت ملتوی کر دی ۔یاد رہے کہ چیئرمین نیب کی جانب سے دونوں میاں بیوی پر شہریوں کو لوٹنے کا ریفرنس بنایا گیا ہے۔