لاہور(این این آئی)پاکستان مسلم لیگ (ن) کی مرکزی رہنما مریم نواز نے کہا ہے کہ کسی کو نئے پاکستان بارے غلط فہمی نہ رہے،نئے پاکستان میں مہنگائی نے عوام کو بری طرح کچل دیا ہے۔ٹوئٹر پر اپنے بیان میں انہوں نے کہا کہ نواز شریف کی قیادت میں روپیہ اور سٹاک مارکیٹ دونوں مستحکم تھے،سٹاک مارکیٹ دنیا کی مستحکم ترین مارکیٹ تھیلیکن آج سٹاک مارکیٹ میں روزانہ انڈکس

کا قتل عام ہو رہا ہے۔نئے پاکستان میں بیروزگاری میں خطر ناک حد تک اضافہ ہوا ہے،مہنگائی نے عوام کو بری طرح کچل دیا ہے،گیس، بجلی سمیت ہر چیز کی قیمت میں بے پناہ اضافہ ہوا۔انہوں نے مزید کہا کہ کچھ لوگوں کو روپے کی قدر میں کمی کے لئے درآمد کیا گیا۔روپے کی قدر میں کمی سے 666 ارب کے قرضے بڑھ گئے۔جان بوجھ کر روپے کی بے قدری کی جا رہی ہے۔