لاہور( آن لائن)مسلم لیگ (ن )کے سینئر رہنما رانا مشہود نے کہا ہے کہ مہنگائی کے سبب حکومت کا جانا ٹھہر چکا،عید کے بعد نوازشریف جیل سے ہی حکومت مخالف تحریک چلائیں گے۔جمعرات کو کوٹ لکھپت جیل کے باہر میڈیاسے گفتگو کرتے ہوئے سابق صوبائی وزیر تعلیم نے کہا کہ عمران خان کی سیاست نوازشریف کے نام سے شروع اوروہیں ختم ہوتی ہے ۔انہوں نے کہا کہ شہبازشریف کی سیاسی پناہ
کی درخواست کی خبرجھوٹ پر مبنی ہے ،شہبازشریف بجٹ سیشن تک پاکستان واپس آ جائیں گے،انہوں نے کہا کہ شہبازشریف کی قیادت میں حکومت کیخلاف تحریک چلائی جائیگی۔دریں اثناپاکستان مسلم لیگ (ن)کے سینئر رہنما پرویز رشید نے کہا ہے کہ عمران خان کی سیاست نے پاکستان کو اپنوں سے دور کردیا،انہوں نے کہا کہ شہبازشریف بہاد رآدمی ہیں،پی پی پی ،مشرف اور عمران حکومت میں جیل کاٹ چکے ہیں ،انہوں نے کہا کہ شہبازشریف ،مریم نواز ،حمزہ سب کارکن ہیں لیڈر صرف نوازشریف ہیں۔
