اسلام آباد(آن لائن)وزیراعظم عمران خان نے گورنر پنجاب کے خلاف چلنے والی مہم پر اظہار تشویش کیا ہے۔ تفصیلات کے مطابق وزیراعظم عمران خان اورگورنرپنجاب چودھری سرورکی ملاقات کی اندرونی کہانی سامنے آگئی ہے۔ذرائع کے مطابق وزیراعظم نے گورنرپنجاب کے خلاف مہم چلانے پر اظہارتشویش کیا۔ وزیراعطم نے گورنرپنجاب کی غیرموجودگی میں منفی مہم کو افسوسناک قراردیا۔
نعیم الحق کے مطابق یہ تاثردینے کی کوشش کی گئی کہ وزیراعظم نے گورنرپرعدم اعتماد کیا۔ وزیراعظم نے ایسی بے بنیاد خبروں پر حیرانی اورافسوس کا اظہارکیا۔ وزیراعظم نے چودھری سرورکو دیئے گئے ٹاسک تیزی سے مکمل کرنے کی ہدایت کردی۔ واضح رہے کہ گذشتہ کچھ عرصہ سے گورنر پنجاب چودھری سرور کو ہٹائے جانے کی خبریں عام ہیں۔25 اپریل کو گورنر ہاس میں گورنر پنجاب چودھری محمد سرور کی جانب سے عشائیہ کا اہتمام کیا گیا تھا۔اس عشائیہ کا اہتمام پارٹی میں پھوٹ پڑنے اور پارٹی کے گروہ بندی کا شکار ہونے کے تاثر سمیت گورنر پنجاب کی تبدیلی کی خبروں کو جھوٹا ثابت کرنا تھا لیکن گورنر ہاس میں دئے گئے اس عشائیہ میں کوئی بھی حکومتی عہدیدار شریک نہیں ہوا تھا جس نے پارٹی میں گروی بندی کے تاثر کو مزید ہوا دی۔ کچھ ذرائع نے گورنر پنجاب چودھری سرور کی تبدیلی کی خبریں بھی دیں لیکن انہوں نے ایک پریس کانفرنس کے دوران استعفے کی خبروں کو مکمل طور پر مسترد کر دیا۔گورنر پنجاب چودھری سرور کا کہنا تھا کہ جو لوگ سمجھتے ہیں کہ استعفی میری جیب میں ہوتا ہیان کو کہنا چاہتا ہوں کہ میں عوام کی خدمت کے لیے آیا ہوں۔ پنجاب کو مکمل طور پر وزیراعلی چلا رہے ہیں، ان کے اختیارات شہباز شریف سے کسی طور کم نہیں ہیں۔ وزیراعظم کی قیادت میں پانچ سال عوام کی خدمت کریں گے۔ وفاق اور پنجاب حکومت کو کوئی خطرہ نہیں ہے۔
