اسلام آباد (این این آئی) وزیر اعظم کی معاون خصوصی برائے اطلاعات ونشریات ڈاکٹر فردوس عاشق اعوان نے کہاہے کہ نوازشریف ضمانت کے بعد ایک دن بھی ہسپتال میں داخل نہیں ہوئے ، ضمانت مانگنا ایک بہانہ ہے ، لندن بھاگنا چاہتے ہیں ، لندن کی سڑکوں پر شریف برادران کھلے عام پھرتے ہیں،وفاقی وزیر کا کہنا تھا کہ مسلم لیگ ن کی ان ہائوس تبدیلی سے وزیراعظم کا بیانیہ جیت گیا ہے ۔

وزیر اعظم نے پہلے دن کہا تھا جس کا دامن داغ دار ہو اس کا پبلک اکاؤنٹس کمیٹی میں موجود رہنے کا کوئی حق نہیں۔ وہ جمعہ کو یہاں وزیر اعظم کے معاون خصوصی برائے صحت ظفر مرزاکے ہمراہ پریس کانفرنس سے خطاب کررہے تھے ۔ انہوںنے کہاکہ ظفر اللہ مرزا کو پی آئی ڈی میں خوش آمدید کرتی ہوں۔ انہوںنے کہاکہ ادویات کی قیمتون کو مدنظر رکھتے ہوئے ظفر اللہ مرزا کو ذمہ داریاں سونپی۔انہوںنے کہاکہ وزیراعظم نے ادویات کی قیمتوں میں اضافے کا نوٹس لیا تھا،وزیراعظم عمران خان نے ادویات کی قیمتیں کم کرنے کی ہدایت کی۔انہوںنے کہاکہ نئے پاکستان کی منزل کی طرف ہم رواں دواں ہیں،صحت پی ٹی آئی کا اہم جزو ہے۔ انہوںنے کہاکہ ہمیں فخر ہے کہ ہم نے ملک کی عوام کیلئے ایسا چناؤ کیا ہے جو ہمارے لئے فخر کی بات ہے۔ انہوںنے کہاکہ عوام کے حق کے لئے لڑنا ہے۔ انہوںنے کہاکہ ن لیگ نے گزشتہ روز اپوزیشن لیڈر اور چیئرمین پی اے سی کو تبدیل کیا۔ فردوس عاشق اعوان نے کہاکہ اپوزیشن کی تمام دلیلیں ہار گئیں ،وزیر اعظم نے پہلے دن کہا تھا کہ جس کا دامن داغ دار ہو اس کا پبلک اکاؤنٹس کمیٹی میں موجود رہنے کا کوئی حق نہیں۔انہوںنے کہاکہ پاکستان میں عدالتیں آزاد ہیں ،نواز شریف جیل سے ضمانت کے بعد ایک دن بھی ہسپتال نہیں گئے۔ انہوںنے کہاکہ لندن کی سڑکوں پر شریف برادران کھلے عام پھرتے ہیں۔ انہوںنے کہاکہ بیماری جیل نہ جانے کا بہانہ ہے۔

انہوںنے کہاکہ نواز شریف ضمانت کے بعد ہسپتال میں ایک دن بھی داخل نہیں ہوئے،ضمانت مانگنا ایک بہانہ ہے، یہ لندن بھاگنا چاہتے ہیں۔انہوںنے کہاکہ جھوٹ اور پروپیگنڈے پر مبنی عوام کو اکسانے کا بیانیہ دم توڑ چکا ہے۔وزیر صحت نے کہاکہ وزارت سنبھالنے کے پہلے دن سب سے تفصیلاً بات کی،ہمیں سارے صوبوں کے ساتھ مل کر کام کرنا ہے ۔ انہوںنے کہاکہ وزیراعظم کی سپورٹ پر ان کا شکر گزار ہوں۔

انہوںنے کہاکہ جب مجھے کیبنٹ مین دعوت دی گئی تو میں نے وزیر اعظم کی آنکھوںمیں عوام کے لئے تکلیف دیکھی۔ انہوںنے کہاکہ صحت کے شعبے میں بہتری لانا بہت ضروری ہے،ادویات کی قیمتوں کی وجہ سے ساری عوام متاثر ہوئی۔ انہوںنے کہاکہ وزیراعظم کا وژفن ہے کہ عوام کو تمام سہولتیں ملیں۔ انہوںنے کہاکہ میں اس مشن کے ساتھ آیا ہوں کہ ہم نے صحت کے شعبے میں انقلاب لانا ہے۔انہوںنے کہاکہ وزیر اعظم کے اپنے خیالات بہت وسیع ہیں ،پاکستان میں ہر انسان کو یکسان زندگی گزارنے کے مواقع ملیں گے۔ انہوںنے کہاکہ شعبہ صحت میں یہ تمام ذمہ داریاں مجھ پر عائد ہیں۔

موضوعات:ڈاکٹر فردوس عاشق اعوان